Skip Links

News Item

Дафтари барномаҳои САҲА дар Душанбе аз ҷаласаи Шӯрои ҳавзаи дарёи Қофарниҳон пуштибонӣ кард

17 апрели соли 2024 Дафтари барномаҳои САҲА дар Душанбе дар ҳамкорӣ бо Вазорати энергетика ва захираҳои оби Ҷумҳурии Тоҷикистон бахшида ба ҷаласаи 4-уми Шӯрои ҳавзаи дарёи Қофарниҳон як чорабинии нимрӯза баргузор намуд.

Issued on:
Issued by:
OSCE Programme Office in Dushanbe
Fields of work:
Муҳофизати муҳити зист

17 апрели соли 2024 Дафтари барномаҳои САҲА дар Душанбе дар ҳамкорӣ бо Вазорати энергетика ва захираҳои оби Ҷумҳурии Тоҷикистон бахшида ба ҷаласаи 4-уми Шӯрои ҳавзаи дарёи Қофарниҳон як чорабинии нимрӯза баргузор намуд. Дар вохӯрӣ 46 нафар иштирокчиён (9 зан) аз ташкилотҳои хоҷагии об, муассисаҳои илмӣ ва шабакаи мутахассисони ҷавони соҳаи об ҷамъ омаданд.

Иштирокчиён дар бораи ислоҳоти соҳаи об дар Ҷумҳурии Тоҷикистон бо таваҷҷӯҳ ба самтҳои он, раванди татбиқ ва сохтори нави иҷроия, ки вазифадор аст, захираҳои об дар кишварро идора кунанд, мубодила карданд. Онҳо дар бораи фаъолиятҳо ва дастовардҳои асосӣ дар минтақаи ҳавзаи Қофарниҳон, ҳамгироии фаъолияти ҳавза ба ташаббусҳои рушди иқтисодию иҷтимоии минтақавӣ ва нақшаи маҷмӯии мусоидат ба устувории шабакаи обтаъминкунии шаҳри Душанберо баррасӣ карданд.

Фаъолияти мазкур дар доираи талошҳои доимии Дафтари барномаҳо барои дастгирии Ҳукумати Ҷумҳурии Тоҷикистон дар татбиқи барномаи ислоҳоти бахши об мебошад. Он ҳамчунин ба ӯҳдадориҳои САҲА дар бахши об мувофиқат мекунад.


Contacts

Мунира Шоинбекова

Ёрдамчии калон оид ба ВАО ва равобит бо ҷомеа

Дафтари Барномаҳои САҲА дар Душанбе
кӯчаи Аҳмади Дониш 18a
734012 Душанбе
Tajikistan