САҲА ҷамъбаст намудани лоиҳаи дастурамал оид ба ҳамоҳангсозии байниидоравии фаъолиятҳои пешгирии зӯроварӣ дар оила ва хизматрасонӣ ба ҷабрдидагонро дастгирӣ кард

Рӯзҳои 19 ва 20 августи соли 2025 Дафтари барномаҳои САҲА дар Душанбе Кумитаи кор бо занон ва оилаи назди Ҳукумати Ҷумҳурии Тоҷикистонро дар баргузории семинари дурӯзаи Гуруҳи корӣ дастгирӣ намуд. Чорабинӣ ба ҷамъбаст намудани дастурамали фармоишии САҲА оид ба ҳамоҳангсозии байниидоравии фаъолиятҳо бахшида шуда буд, ки ба пешгирии зӯроварӣ дар оила ва расонидани хизмат ба ҷабрдидагон нигаронида шудааст. Дастурамал ба пурзӯр намудани муайян кардани саривақтӣ, бозравонӣ намудан, дастгирӣ ва офиятбахшии ҷабрдидагон аз зӯроварӣ дар оила нигаронида шудааст.

Семинар дар Душанбе 25 ҷонибҳои муҳими манфиатдор, аз ҷумла 9 мард ва 16 занро ҷамъ овард, ки дорои ваколатҳо дар соҳаи пешгирӣ ва вокуниш ба зӯроварӣ дар оила мебошанд. Ба ҳайати иштирокчиён аъзои Гурӯҳи корӣ оид ба усули бисёрсоҳавии баррасии парвандаҳои зӯроварӣ дар оила ва пешниҳоди хизматрасонӣ ба ҷабрдидагон дохил шуданд.

Муҳокимаҳо гирди таҷрибаи байналмиллалӣ оид ба ҳамкории байниидоравӣ, механизмҳои бозравонӣ барои дастгирӣ ва ҳифзи ҷабрдидагони зӯроварӣ дар оила, сабабҳо ва оқибатҳои зӯроварӣ дар оила, қонунгузории дахлдори миллӣ ва худи лоиҳаи дастурамал сурат гирифтанд.

Нусхаи ниҳоии дастурамал барои тасдиқ ба Ҳукумат пешниҳод карда мешавад ва дар назар аст, ки он барои таъсиси механизми миллии бозравонӣ барои наҷотёфтагони зӯроварӣ дар оила дар Ҷумҳурии Тоҷикистон замина мегузорад.