САҲА малакаҳои намояндагони бахши хусусӣ ва нозирони меҳнатро оид ба ошкор кардани шаклҳои пинҳонии хариду фурӯши одамон такмил медиҳад

Аз 23 то 25 апрели соли 2025 Дафтари барномаҳои САҲА дар Душанбе дар ҳамкорӣ бо Комиссияи байниидоравӣ оид ба мубориза бар зидди хариду фурӯши одамон курси серӯзаи таълимиро барои 12 намоянда (8 мард ва 4 зан) аз бахши хусусӣ ва мақомоти назорати меҳнати Ҷумҳурии Тоҷикистон ташкил намуд. Дар он намояндагони меҳмонхонаҳо, агентиҳои хусусии шуғли аҳолӣ ва нозирони меҳнати Вазорати меҳнат, муҳоҷират ва шуғли аҳолӣ иштирок намуданд.

Курси таълимӣ, ки дар Душанбе баргузор шуд, ба баланд бардоштани қобилияти иштирокчиён дар муайян кардани шаклҳои пинҳонии хариду фурӯши одамон дар бахши хусусӣ, бахусус дар соҳаҳои дорои хатари баланд, аз қабили меҳмондорӣ, сайёҳӣ ва шуғли аҳолӣ равона карда шудааст. Курс инчунин таҷрибаҳои беҳтарини бозравонӣ ва кӯмаки фаврӣ ба ҷабрдидагонро фаро гирифт.

Иштирокчиён дар бораи он, ки чӣ гуна хариду фурӯши одамон бо роҳҳои камтар намоён зоҳир шуда метавонад ва тарзҳои ошкор кардани ҳодисаҳои хариду фурӯши дохилӣ, ки дар акси ҳол нодида гирифта мешаванд, фаҳмиши амиқ пайдо карданд. Бо таҳкими механизмҳои муайянкунии барвақт ва вокуниш, курси таълимӣ ба муҳофизат ва дастгирии бештари ҷабрдидагони эҳтимолӣ мусоидат мекунад.