Skip Links

News Item

Омӯзиши САҲА маҳорати кинологони Ҷумҳурии Тоҷикистонро тақвият медиҳад

24 майи соли 2024 дар шаҳри Бохтар курси серӯзаи таълимии ташкилнамудаи Дафтари барномаҳои САҲА дар Душанбе барои кормандони хадамоти кинологӣ (таълими сагҳои посбонӣ) ба анҷом расид.

Issued on:
Issued by:
OSCE Programme Office in Dushanbe
Fields of work:
Муҳофизати муҳити зист

24 майи соли 2024 дар шаҳри Бохтар курси серӯзаи таълимии ташкилнамудаи Дафтари барномаҳои САҲА дар Душанбе барои кормандони хадамоти кинологӣ (таълими сагҳои посбонӣ) ба анҷом расид. Чорабинӣ дар Маркази таълимии К9 Вазорати корҳои дохилӣ баргузор гардида дар он 20 нафар кинологон аз воҳидҳои кинологии К9-и Вазорати корҳои дохилӣ ва Кумитаи ҳолатҳои фавқулодда ва мудофиаи граждании Ҷумҳурии Тоҷикистон ширкат варзиданд.

Дар рафти корҳои ҷустуҷӯӣ ва наҷотдиҳӣ иштирокчиён усулҳои пешрафтаи таълими сагҳоро омӯхтанд. Илова бар ин, масъулини Кумитаи ҳолатҳои фавқулодда ва мудофиаи гражданӣ ва Вазорати корҳои дохилӣ бо ҷанбаҳои ҳамоҳангсозии дохилиидоравӣ ва байниидоравӣ оид ба вокуниш ба офатҳои табиӣ ва садамаҳои техногенӣ шинос шуданд.

Дафтари барномаҳо дар соли ҷорӣ ин омӯзишро дар Дафтари минтақавии Маркази таълимии К9 дар шаҳри Хоруғ низ такрор мекунад. Ин фаъолият дар доираи кӯшишҳои дарозмуддати Дафтари барномаҳо оид ба андешидани тадбирҳои коҳиш додани хатари садамаҳо ва рафъи оқибатҳои онҳо, инчунин оид ба бартараф кардани хатарҳои марбут ба офатҳои табиӣ, ки Ҷумҳурии Тоҷикистон зуд-зуд дар саросари кишвар бо онҳо рӯбарӯ мешавад гузаронида мешавад.


Contacts

Мунира Шоинбекова

Ёрдамчии калон оид ба ВАО ва равобит бо ҷомеа

Дафтари Барномаҳои САҲА дар Душанбе
кӯчаи Аҳмади Дониш 18a
734012 Душанбе
Tajikistan