САҲА ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҷҳизоти технологияҳои иттилоотиро тақдим намуд

15 майи соли 2024 Дафтари барномаҳои САҲА дар Душанбе (Дафтари барномаҳо) ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҷҳизоти технологияҳои иттилоотиро тақдим намуд. Таҷҳизоти тақдимшуда аз 10 ноутбук, як проектор ва як принтери ранга иборат буд. Ин таҷҳизотро кормандони вазорат барои осон кардани кори онҳо дар идоракунии бахши обтаъминкунӣ, санитария ва гигиена истифода мебаранд.

Дафтари барномаҳо бо Вазорат аз соли 2021 ҳамкорӣ мекунад. Самтҳои ҳамкорӣ аз дастгирии таҳияи қонунгузорӣ ва қоидаҳо, гузаронидани маъракаҳои огаҳӣ ва ташкили чорабиниҳои баланд бардоштани иқтидори марказҳои санитарию эпидемиологии минтақавӣ иборат аст.

Ин фаъолият дар доираи талошҳои доимии Дафтари барномаҳо оид ба дастгирии Ҳукумати Ҷумҳурии Тоҷикистон дар татбиқи Стратегияи миллии бехатарии оби нӯшокӣ барои солҳои 2022-2030 мебошад. Он инчунин ба ӯҳдадориҳои САҲА дар соҳаҳои идоракунии устувори захираҳои обӣ мувофиқат мекунад.