САҲА баргузории Омӯзиши оид ба криминалистикаи рақамӣ ва иктишофии манбаъҳои кушодаро барои мубориза бо ҷиноятҳои киберӣ барои намояндагони Вазорати корҳои дохилӣ ва Прокуратураи генералии Ҷумҳурии Тоҷикистон дастгирӣ кард.

Аз 28 то 30 апрели соли 2026, Дафтари барномаҳои САҲА дар Душанбе (Дафтари барномаҳо) дар ҳамоҳангӣ бо Ҳамоҳангсози лоиҳаҳои САҲА дар Ӯзбекистон ва Прокуратураи генералии Ҷумҳурии Ӯзбекистон курси “Асосҳои криминалистикаи рақамӣ ва истифодаи Иктишофи манбаҳои кушода (OSINT) барои мубориза бо ҷиноятҳои киберӣ”-ро барои 15 корманди Вазорати корҳои дохилӣ (ВКД) ва панҷ прокурори Прокуратураи генералии шаҳри Душанбе доир намуд.

Омӯзиш аз ҷониби ду коршиноси Академияи мақомоти ҳифзи ҳуқуқи Ҷумҳурии Ӯзбекистон гузаронида шуда, намудҳои ҷиноятҳои киберӣ, масъалаҳои мушкил дар таснифи ин ҷиноятҳо ва асосҳои криминалистикаи рақамиро фаро гирифт. Иштирокчиён муқаррароти ҳуқуқиро дар бораи далелҳои рақамӣ омӯхтанд ва дар бораи мафҳумҳои муҳим, аз қабили функсияҳои хэш ва нақши онҳо дар ВАО-и рақамӣ маълумот гирифтанд. Омӯзиш бо баррасии усулҳои Иктишофи манбаҳои кушода (OSINT) барои тафтишот, аз ҷумла усулҳои иктишофи шабакаҳои интернетии ғайриқонунӣ (dark web), ба анҷом расид ва бо стандартҳо ва қонунгузории байналмилалӣ дар соҳаи амнияти киберӣ шинос намуд.

Зимни суханронии худ, Мушовири САҲА оид ба корҳои полиси Дафтари барномаҳо Мирослав Милоевич қайд кард, ки бо афзоиши ҷиноятҳои марбут ба технологияҳои рақамӣ, тақвияти иқтидори мақомоти ҳифзи ҳуқуқ дар саросари минтақаи САҲА ба авлавияти калидӣ табдил ёфтааст. Ӯ афзуд, ки САҲА якҷоя бо шарикони худ ба дастгирии Ҷумҳурии Тоҷикистон дар рушди устувори таҷрибаи миллӣ дар тафтишоти ҷиноятҳои киберӣ ва коркарди далелҳои электронӣ содиқ мемонад.