САҲА ба ҷавонон имкон медиҳад, ки баробарии гендериро таблиғ кунанд ва зӯровариро пешгирӣ кунанд

Аз 26 ноябр то 9 декабри соли 2025, дар доираи маъракаи “16 рӯзи амал алайҳи зӯроварии гендерӣ”, Дафтари барномаҳои САҲА дар Душанбе ба ҷавонони дар  Дафтари барномаҳо таълимгирифта дар доир намудани чор машғулияти баланд бардоштани огоҳии ҳамсолон дар Ғарм, Хуҷанд, Бохтар ва Душанбе кӯмак кард, ки дар он 127 ҷавон (80 зан ва 47 мард) иштирок карданд.

Ҳадафи машғулиятҳо баланд бардоштани огоҳӣ дар бораи зӯроварии гендерӣ ва зӯроварии хонаводагӣ, кӯмак ба иштирокчиён дар шинохтани нишонаҳои чунин зӯроварӣ, таблиғи баробарии гендерӣ ва мубориза бо стереотипҳои зараровари гендерӣ буд. Роҳбарон нақши ҷавононро дар пешгирии зӯроварии гендерӣ ва зӯроварии хонаводагӣ таъкид карданд ва дар бораи хадамотҳои дастгирии дастрас барои ҷабрдидагон маълумот доданд.

Дар Душанбе, Дафтари барномаҳо барои ҷавонони созмони “Ҳифзи ҳуқуқ ва рушди имкониятҳои ношунавоён ва нобино-ношунавоён” машғулияте баргузор кард, ки ба пешгирии зӯроварии хонаводагӣ дар байни ҳамсолони дорои маълулият нигаронида шуда буд. Дар ин машғулият иштирокчиёнро ташвиқ карданд, ки нишонаҳои зӯровариро эътироф кунанд, меъёрҳои табъизии гендериро зери суол гузоранд ва дар дастгирии ҷабрдидагон ва таблиғи муқовимат ба зӯроварӣ фаъолона иштирок кунанд.

Ин машғулиятҳои ҳамсол ба ҳамсол ҷалби ҷавонон, фарогирӣ ва вокунишҳои ҷомеаро ба зӯроварии гендерӣ ва зӯроварии хонаводагӣ дар саросари Ҷумҳурии Тоҷикистон тақвият доданд.